A rede máis saudable e sostible de Galicia
Bea Lema
Presidenta de RedVital de Galicia | Directora da Escola Galega do Benestar | Formadora de formadores | Impulsora de proxectos de benestar, sustentabilidade e desenvolvemento territorial
Profesional galega especializada en benestar integral, saúde emocional e desenvolvemento sostible. Con máis de quince anos de experiencia no SEPE, destaca en prevención de riscos psicosociais, mindfulness e mellora da atención á cidadanía.
É creadora da Escola Galega do Benestar, desde onde impulsa programas dirixidos a administracións, centros educativos, empresas e entidades sociais. É relatora en BioCultura A Coruña e formadora en institucións como AGASP ou CAFI.
Como presidenta de RedVital de Galicia, promove proxectos que integran benestar, sustentabilidade, innovación social e posta en valor do territorio.
Carlos L. Ríos
Secretario de RedVital de Galicia | Creatividade aplicada, creación audiovisual e deseño gráfico "elcreadordenubes" | Director en GranRURAL | Docente
Profesional galego especializado en creatividade aplicada e comunicación para proxectos con enfoque territorial. Baixo o alias de "elcreadordenubes", traballa en fotografía, arte, audiovisual e deseño gráfico, transformando o caos de ideas en solucións creativas a medida.
Como director de GranRURAL, impulsa unha plataforma que conecta persoas coa esencia do rural galego a través de experiencias de turismo sostible, poñendo en valor iniciativas locais, artesanía e produción do territorio.
A súa traxectoria combina traballo creativo en contextos internacionais cun profundo compromiso co desenvolvemento rural. Colaborou en proxectos culturais, educativos e audiovisuais como "Destino Santiago" (innovación audiovisual transmedia) e campañas para proxectos de turismo rural en Galicia e Ecuador.
En RedVital achega a súa experiencia en comunicación estratéxica, deseño de identidade visual e creación de contidos para visibilizar e fortalecer a rede de asociacións e colectivos que traballan por un sistema alimentario máis xusto e sostible.
Nelly Rey Rey
Tesoureira RedVital de Galicia | Mentora e Interim Manager
Profesional galega con ampla experiencia en mentoring, empregabilidade e liderado organizacional. Acompaña persoas emprendedoras, directivas e equipos en procesos de transformación, fortalecemento profesional e mellora organizativa, achegando enfoque estratéxico, estrutura e metodoloxías aplicables.
Desenvolve a súa actividade no ámbito do acompañamento, a formación e a xestión, colaborando con programas de referencia e con organizacións públicas e privadas orientadas ao impulso do talento, o emprendemento e a autonomía profesional.
Conta cunha sólida traxectoria en formación e divulgación, participando en proxectos de acción social, liderado e emprendemento con perspectiva de igualdade, tanto a nivel estatal como internacional, e contribuíndo ao desenvolvemento de iniciativas vencelladas á innovación social e ao fortalecemento das persoas e das organizacións.